Izindaba Ezijabulisayo ZeJannah (ukungena ezulwini) kuHazrat Talhah (radhiyallahu ‘anhu)

Ukuphana Okudlulele kukaHazrat Talhah (radhiyallahu ‘anhu)

Unkosikazi kaHazrat Talhah (rahdiyallahu ‘anhu), u-Su’da bint ‘Awf al-Muriyyah ubalule isigameko esilandelayo mayelana nomyeni wakhe uHazrat Talhah (radhiyallahu ‘anhu): “Ngolunye usuku, uTalhah wangena endlini ekhathazekile. Lapho ngimbona ekulesi simo, ngathi kuye, ‘Kungani ngikubona udabukile futhi ukhathazekile? Ikephi inkinga? Ingabe khona okuthile engikwenzjle ngenxa yalokho ngikubona ukhathazekile? Ngicela ungitshele ukuze ngizokwazi ukukususa usizi lwakho. Waphendula, ‘Cha, awenzanga lutho owungizwise ubuhlungu futhi ngempela, yekela ukuthi ungumakoti omuhle kangakanani empilweni endodeni eyiMuslim enjengami.’

Ngabe sengimbuza, ‘Ngichazele ukuthi yini le ndaba ekubangela ukukhathazeka.’ Wathi kimi, ‘Ingcebo enginayo iye yanda futhi lokhu kuye kwaba umthwalo omkhulu kimi.’

Ngabe sengimduduza ngithi, ‘Asikho isidingo sokukhathazeke. Kungani unganikeli kwabampofu?’ UHazrat Talhah (rahdiyallahu ‘anhu) wabe eseqala ukunikela kwabampofu kwaze kwangasala ngisho neyodwa i-dirham (imali).”

UTalhah ibn Yahya (rahimahullah) wathi , “Ngabuza umgcinimafa waHazrat Talhah (radhiyallahu ‘anhu), ‘Ingakanani ingcebo uTalhah (radhiyallahu ‘anhu) wanikela ngayo ngaleso sikhathi?’ Waphendula wathi, ‘Kwaba ama-Dirham (400 000) ayizinkulungwane ezingamakhulu amane (phakathi kwabampofu ngaleso sikhathi)” (Hilyatul Awliyaa 1/88).