Isikhundla Esiphakheme SamaMuhajireen NamaAnsaar

Ngelinye ilanga iSahaabi lafika kuRasullulah (salallahu alayhi wasallam) labuza, “O Rasulullah (sallallahu alayhi wasallam), linini usuku leQiyaamah (usuku lokwahlulela)” URasullulah (sallallahu alayhi wasallam) waphendula wathi, “Imaphi amalungiselelo owenzele lelosuku?” leloSahaabi laphendula lathi, “Angisho ukuthi nginamaSalaah amaningi, angizilanga kakhulu futhi anginikeli kakhulu kodwa nginothando likaAllah nomprofethi wakhe (sallallahu alayhi wasallam) enhlizweni yami.” URasullullah (sallallahu alayhi wasallam) wase ethi, ” Ngempela, ngosuku lokwahlulela umuntu uyoba nabantu abathandayo.” (Saheeh Bukhaari #6171)

UAnas (radhiyallahu anhu) uthi, “Ayikho into eyajabulisa amaSahaabah njengalamazwi aRasulullah (sallallahu alayhi wasallam)”. (Saheeh Bukhaari #3688)