Alislaam.com – Zulu
ISurah Fathiha iSurah eyokuqala kwiKuraan. Akusiyona iSurah eyokuqala kuphela ngokulandelana kwezahluko kodwa isurah ekade yethulwa ngoAllah phambilini, Kepha-ke amavesi eSurah Mudassir neSurah Alaq iwona ethulwa kuqala. Kodwa ayikho iSurah eyethulwa ngokuphelele ngaphambili kwayo.
Isizathu sokubekwa kweSurah Fatiha kuqala kunamanye amaSurah ingoba iveza ubuhle beKuraan futhi esihlokweni sayo ihlanganisa izindaba ezintathu kube engathi yonke ingxenye yeKuraan elandelayo ichaza lezindaba ezintathu.
Izindaba Ezintathu Ezinkulu Eziphethwe IKuraan Engcwele
Empeleni ulwazi oluphethwe iKuraan yonke eluhamba phambi limayelana nezinto ezintathu:
(1) Ukukholelwa kubunye bukaAllah ,
(2) Ukukholelwa ebuprofethini bezithunywa zakhe ezikhethekile nokulandela izenzo ezinhle ,
(3) Nokukholelwa empilweni yakwelizayo.
Izisekelo zalezindaba ezintathu zitholakala zonke kwiSurah Fatiha. Kungenxa yalesizathu kwiHadeethi (amazwi amprofethi) iSurah Fatiha ibizwa ngeUmmul Kuraan (ubuhle beKuraan) noUmmul kitaab (ubuhle bebhuku).
