IDua Ekhethekile KaRasullullah (sallallahu alayhi wasallam) Enzela UHadrat Sa’d (radiyallahu anhu)

UHadrat Ayesha (radiyallahu anhu) ulandisa uthi:

Emva kokufika eMadina Munawwarah, ngelinye ilanga uRasullullah (sallallahu alayhi wasallam) wahluleka ukulala (ngenxa yovalo lokuhlaselwa izitha). Ngaleyonkathi uRasullullah (sallallahu alayhi wasallam) wenza isimemezelo ethi, “Ngifisa engathi kungaba khona inceku ezongvikela namhlanje ebusuku.” Ngenkathi sisamile kanjalo, sezwa umsindo wezikhali. URasullullah (sallallahu alayhi wasallam) wase ebuza, “Ubani loyo?” lomuntu wase ephendula ethi, “USa’d bin abi Waqqaas.” URasullullah (sallallahu alayhi wasallam) wabuza ethi, “Yini ekuletha la? USa’d (radiyallahu anhu) waphendula wathi,” kade ngisabela impilo yakho ngase ngifika ukuzokuvikela.”

Ngokuzwa lokhu uRasullullah (sallallahu alayhi wasallam) wase emenzela iDu’a walala.

Kwenye ingxoxo, uHadrat Ayesha (radiyallahu anha) uthi, uRasullullah (sallallahu alayhi wasallam) kade ejwayele ukuvikelwa amaSahaabah (radiyallahu anhum) kwaze kwethulwa lelivesi leKuraan encwele elilandelayo:

Ngenkathi sekwethulwe lelivesi, uRasullullah (sallallahu alayhi wasallam) wathi kumaSahaabah (radiyallahu anhum), “O Bantu! Hambani, uAllah unginike ukuvikelwa kwakhe okwaphezulu.”