Isifiso EsikaHadrat Rasullullah (sallallahu alayhi wasallam) Mayelana Nabantu Besifazane Ukuthi Benze ISalaah Ezindlini Zabo

Kade kuyisifiso esikhulu sikaRasullullah (sallallahu alayhi wasallam) ukuthi amadoda enze iSalaah ngokuhlangana eMasjid, futhi kade kuyisifiso sakhe ukuthi abantu besifazane benze iSalaah yabo ezindlini zabo.

URasullullah (sallallahu alayhi wasallam) wakhuthaza abantu besifazane ukuthi benze iSalaah yabo ezindlini zabo futhi bafihle emehlweni amadoda, kwazs kwafika ekutheni ethi, “ISalaah yomuntu wesifazane enziwe endlini yakhe yokulala inomvuzo omkhulu ngaphezulu kweSalaah enziwe egcekeni lakhe elivalekiwe futhi iSalaah yakhe enziwe egumbini elincane endlini yakhe ingcono kuneSalaah enziwe egumbini lokulala.”

Ngelinye ilanga uHadrat Ummu Humayd (radiyallahu anha), umfazi kaAbu Humayd As-saa’idi (radiyallahu anhu) wafika kuHadrat Rasullullah (sallallahu alayhi wasallam) wase ethi kuye, “O Rasullullah (sallallahu alayhi wasallam) nginesifiso sokwenza iSalaah emvakwakho.” UHadrat Rasullullah (sallallahu alayhi wasallam) waphendula wathi, “Nginalo ulwazi lokuthi unesifso sokwenza iSalaah yakho emuva kwami, kodwa iSalaah oyenzele ekameleweni lakho inomvuzo ongaphezulu kuneSalaah oyenzele kunanoma eyiphi ingxenye yendlu yakho. ISalaah kwenye yezingxenye zendlu yakho inomvuzo omkhulu ngaphezulu kweSalaah enziwe egcekeni lakho elivalekile. ISalaah egcekeni lakho elivalekile inomvuzo omkhulu ngaphezulu kweSalaah enziwe eMusjid yasendaweni. ISalaah enziwe eMasjid yasendaweni inomvuzo ngaphezulu kweSalaah enziwe kwiMasjid yami (iMusjid – an- Nabawi). ”

UHadrat Ummu Humayd (radiyallahu anha) (ngokuthubela umthetho nokulandela isifiso esibusisekile saRasullulah (sallallahu alayhi wasallam), waqoka ukuthi akhelwe indawo ekhethekile endaweni ecashile egumbini lakhe, wase enzela khona wonke amaSalaah akhe kuleyondawo waze wahamba emhlabeni.