Isiyalo Kulaba Abangayenzi ISalaah Yabo Nenhlangano EMasjid

Kade kuyisifiso esikhulu sikaRasullullah (sallallahu alayhi wasallam) ukuthi amadoda esizwe sakhe enze iSalaah ngokuhlangana eMasjid. URasullullah (sallallahu alayhi wasallam) ekhathazeka uma ezwa ukuthi khona abenza amaSalaah abo ezindlini zabo aze athi, “Ukuba kade bengekho omama nezingane kade ngizothuma abafana ukuthi bangithezele izinkuni ngihambe ngishise imizi yalaba abenza ISalaah yabo ezindlini ngaphandle kwesizathu.”

AmaSahaabah (radiyallahu anhum) ake abona uRasullullah (sallallahu alayhi wasallam) ekhala, emvakokubuza ukuthi yini emkhalisayo, wase ethi,” UAllah ungikhombisile ukuthi ezinye zezimpawu zosuko lokwahlulela ukuthi isizwe sami sizolaxaza iSalaah bese zilandele izifiso.”