Alislaam.com – Zulu
Ukukhanya emhlabeni kanye nomcebo ekuphileni kwangemva kokufa
U-Hazrat Abu Zarr (radhiyallahu) ulandisa ngokuthi: “Ngake ngabuza uRasulullah (sallallahu alayhi wasallam) ngathi, ‘O Rasulullah (sallallahu alayhi wasallam), ngicela ungiphe iseluleko.’ URasulullah (sallallahu alayhi wasallam) waphendula wathi, ‘Bambelela ngokuqinile ku-taqwa (ukwesaba uAllah nokuziqaphela), ngoba kuyiyo eyinhloko (into ephakeme kakhulu) yazo zonke izenzo.’ Ngabe sengithi, “O Rasulullah (sallallahu alayhi wasallam), ngicela ungiphe iseluleko esengeziwe.” URasulullah (sallallahu alayhi wasallam) wathi, ‘Bambelela ngokuqinile ekufundweni kwe-Kur’an Majeed, ngoba iwukukhanya kuwe kulomhlaba futhi iwumcebo kuwe ekuphileni kwangemva kokufa.'”
Indlela yokuhlambulula nokuhlanza inhliziyo.
U-Hazrat Ibnu Umar (radiyallahu anhu) ulandisa ngokuthi u-Hazrat Rasulullah (sallallahu alayhi wasallam) wathi, “Empeleni lezi zinhliziyo ziyagqwala njengoba insimbi igqwala uma ihlangana namanzi.” Ama-Sahaabah (radhiyallahu anhum) babuza bathi, “O Rasulullah (sallallahu alayhi wasallam), iyini indlela yokuyihlanza?” URasulullah (sallallahu alayhi wasallam) waphendula wathi, “Ukukhumbula ukufa njalo nokufunda i-Kur’an Majeed.”
