Umqondo Walama Vesi Amathathu Okuqala

Kulama vesi amathathu adlule umuntu uyakwamukela ukuthembela kwakhe kuAllah ngakho konke okudlule, okwenzekayo nokusazokwenzeka.

Evesini elokuqala uAllah uchaza ukuthi nguye inkosi yemihlaba yonke. UAllah uthi, “Ukudumisa konke okwaAllah, Nkosi yemihlaba yonke.” kulelivesi sibona ukuthi uAllah yedwa kuphela, owaletha indalo futhi uye kuphela oyondlayo futhi uyayinakekela kuzo zonke izigaba zempilo yayo. Ingakho umuntu kumele azi ukuthi uthembela kuAllah ezintweni ezidlulile nezisazokwenzeka.

Evesini elesibili uAllah uchaza izinga lokukhombisa umusa wakhe owaphezulu endalweni yakhe, uAllah uthi, “Onomusa, onesihawu.” kulelivesi sibona ukuthi ngaso sonke isikhathi la emhlabeni umuntu uthembele kuAllah kuphela ukuze aqhubeke aphile kepha futhi kulelivesi umuntu uyakhumbuzwa ukuthi kumele azi ukuthi uthembele kuAllah ezintweni ezidlulile, ezenzekayo nezisazokwenzeka, uAllah uye owamkhombisa umusa esikhathina esadlula futhi uye osamkhombisa umusa manje

Evesini elesithathu, uAllah uchaza ukuthi nguye inkosi yosuku lokwahlulela. UAllah uthi, “Mnikazi wosuku lokwahlulela.” kulelivesi sithola ulwazi lokuthi kwelizayo umuntu uzothembela kuAllah kuphela ukuze athole insindiso yakhe. Ngakho-ke kumele azi ukuthi uthembela kuAllah esikhathini esizayo.

Emvakokuthi umuntu azi futhi amukele ukuthi uthembela kuAllah esikhathini ezidlulile, uyaqhubeke ukuthembela kuye manje futhi uyothembela kuye esikhathini esizayo, umphumela walokuthembela kwakhe ukuthi kumele akhonze uAllah kuphela futhi acele usizo kuyena kuphela ngoba akekho omunye umuntu ongamnika usizo noma azuze kuye ngaphandle kwaAllah.

Lelivesi futhi lisifundisa ukuthi umuntu kumele akhonze uAllah yedwa kuphela futhi acele usizo kuye kuphela, ukuguqa neTawaaf (ukuzungeza iKabaah) nokukhuleka komunye umuntu ngaphandle kwaAllah akuvumelekile. Kunalokho uthando, ukwesaba nethemba lomuntu kuAllah kumele libe ngaphezulu kokuthanda, ukusaba nokuthemba omunye umuntu noma enye into. Akumele ngabe kukhona enye into ebalulekile kumuntu kunobudlelwane bakhe noAllah.

Ngokucela uAllah usizo lakhe lwaphezulu, sisuke sicela usizo lakhe okukhethekile elimayelana noma eyiphi into ngabe eyalana emhlabeni noma kwwlizayo.