Alislaam.com – Zulu
عن أنس رضي الله عنه قال: قال رسول الله صلى الله عليه وسلم: إذا نسيتم شيئا فصلوا علي تذكروه إن شاء الله تعالى (أخرجه أبو موسى المديني بسند ضعيف كما في القول البديع صـ 448)
UHadrat Anas (radiallahu anhu) ubika ukuthi uRasullullah (sallallahu alaihi wasallam) wathi, “Uma kukhona into oyikhohliwe, thumela iDurood kimi, uzoyikhumbula uma uAllah evuma.”
Ukuyekela Izono NgeDu’a KaRasullullah (sallallahu alaihi wasallam)
UHadrat Ja’far As-Saa’gh uthi:
Phakathi komakhelwane baImaam Ahmed bin Hambal, kwakukhona umuntu ophila impilo yokwenza izono. Ngelinye ilanga wafika ezothamela umhlangano kaImaam Ahmed. Ngenkathi engena emhlanganweni kaImaam Ahmed, wabingelela ngeSalaam. Noma ngabe uImaam Ahmed waphendula iSalaam yakhe, lomuntu wabona ukuthi uImaam ukhombisa ukungamthandi.
Wase ethi kuImaam Ahmed, “O Abu Abdillah, ngiyabona ukuthi awkhululekile ngokungibona.(ngenkathi ebona ukuthi uImaam ukhombisa ukungamthandi ngenxa yezono azenzayo), ngifisa ukukthshela ukuthi sengiyekile impilo yokwenza izono futhi sengizimisele ngokuphila impilo yokulalela nokuzinikela.”
Waqhubeka wachazela uImaam Ahmed bin Hambal ethi,” Izolo ebusuku ngibe nephupho likaRasullullah (sallallahu alaihi wasallam), uRasullullah (sallallahu alaihi wasallam) ufike kimi wase engibuza, “awungicelingani ukuthi ngikwenzele iD’ua? “ ngase ngaphendula,”Ngenxa yezono zami eziningi futhi nokuphila impilo yokungalaleli, nginamahloni okufika phabili kwakho.’ URasullullah (sallallahu alaihi wasallam) wase ethi,” Ungakhathazeki, noma ngabe unamahloni sukuma ngizokwenzela iDu’a kuAllah.”
Wase ethi,”Ngasukuma uRasullullah (sallallahu alaihi wasallam) wangenzela iDu’a. Ngenkathi sengivuka ngabona ukuthi uAllah ufake inzondo yemvelo enhlizweni yami yazo zonke izono lezi ekade ngizenza.”
